పుట:రాజగోపాలవిలాసము (చెంగల్వ కాళయ).pdf/195

110

శ్రీరాజగోపాలవిలాసము

క.⁠

వారిద్దఱి తపములకును వారిజనాభుండు మెచ్చె వరమును దయచే కోరఁగ నొసంగి మగుడన్ జేరెను వైకుంఠపురము చిత్త మెలర్పన్.

⁠ 20

గీ.⁠

దక్షిణద్వారకాపురస్థలము మహిమ శౌనకమహర్షికిని సూతసంయమీంద్రుఁ డంతయునుఁ దెల్పియచ్చట నతిశయిల్లు నలహరిద్రానదినిఁ జాల యభినుతించి.

⁠ 21

చ.⁠

ఇలఁగల పాపసంఘముల కెందును నిష్కృతిఁ గల్గుగాని మేల్ దలఁపని పాపకర్ముని కృతఘ్నతకున్ మఱిలేవు నిష్కృతుల్ తొలుతఁ దొలంగినట్టి ఘనదోషము నొక్కదరాధినేతకున్ కల దితిహాస మొక్కటి ప్రకాశము సేసెద మీకు నెంతయున్.

⁠ 22

గీ.⁠

ఒనరు గోదావరీనది యుత్తరమున సింధుసౌవ్వీరమధ్య ప్రసిద్ధ మగుచు తేజమున మించి సౌరాష్ట్రదేశమందు పుణ్యవర్తనుఁ డొకమహీభుజుఁడు గలఁడు.

⁠ 23

సీ.⁠

తనదు దుర్గాధిపత్యము లోకముననున్న                  జననాథుల కలంఘ్యశక్తిఁ దెలుప తనదు సర్వజ్ఞత్వ మనిశంబు జనముల                  మనములలోనున్న మర్మ మరయ తనయుగ్రభావంబు దర్పితాహితవాస                  పురముల నొక్కట పొడవడంప తనమహైశ్వర్యంబు తప్పకఁ గొల్చిన                  ధన్యులకును ధనదత్వ మెసఁగ

⁠