శాతకుంభాకుంభగుంభితకుంకుమపంకహరిద్రాముద్రా
ముద్రితవీచికాసారంబగు కాసారంబు గావించిన నది హరిద్రా
నది యనంబరగు. భవదీయదివ్యవిమానంబునకు బాణ
పాతప్రమాణంబున, పశ్చిమంబున గోభిలప్రకల్పితం బైన
భవ్యజ్ఞాప్రదం బగుచు విష్ణుపుష్కరణియనంబరగ వరం బొసంగి
బహుమునిప్రణీతంబులైన బహువిధతీర్థంబులకు పావనత్వంబు
గల్పించి ద్వారకంగోరక పెన్నిధిరీతిసన్నిధానంబు సేయవలయు
ననవుఁడు శ్రీవత్సలాంఛనుండు భక్తవాత్సల్యంబున నచ్చట
నిచ్చ వసియించి బృందావనతరుబృందంబుల యమునాతీర
కుంజపుంజంబుల గోపగోపికాగోకులంబును క్రీడాశైలతటాగా
తటాగమ్ముల మరియు నచ్చటి మహీతలమహితవిహరణవిహి
తోపకరణమ్ముల దక్షిణద్వారకానగరయోజనాంతంబున నిరం
తరంబుగ నుండ నేమించి మించి మించినకరుణాకుహనాగోపా
లుండు గోప్రళయగోభిలులకు మంత్రోపదేశంబు గావించి
వారలయందు దయయుంచి యచ్చట వసియించె అందుగోప్రళ
యుండు నందకధరపాదభజనానందధరుండై సాంగక్రతువిధాన
సంశోధితకల్మషుండై దక్షిణద్వారకావాసవాసవాసనావాసి
తుం డగుచు చక్రధరసాయుజ్యసామ్రాజ్యంబు నొందె. అందలి
గుణగణంబులు గణనాతిలంఘ్యంబు లని మఱియు నిట్లనియె.
