పుట:రాజగోపాలవిలాసము (చెంగల్వ కాళయ).pdf/191

106

శ్రీరాజగోపాలవిలాసము

గీ.⁠

యనుదినంబును సహజకృత్యంబు గాఁగ మేలుమేలని జగమెల్ల మెచ్చిపొగడ బ్రహ్మవిద్యావిదుండు గోప్రళయమౌని తపము గావించె శ్రీహరిఁ దలఁచి భక్తి.

⁠ 8

మ.⁠

బలునిష్ఠన్ మధువాసరాత్యయములన్ పంచాగ్నిమధ్యంబునన్ వలిగాడ్పుల్ నిగుడంగ బట్టబయిటన్ వర్ష ప్రకర్షంబునన్ పులకల్ జాదుకొనంగ శీతువున సంపూర్ణోదవాసంబునన్ చలనం బందక సల్పె నుగ్రతప ముత్సాహంబు సంధిల్లగన్.

⁠ 9

క.⁠

నిరుపమనిష్ఠానిధి యగు పరముమునీంద్రుని తపఃప్రభావము మదిలోఁ బరికించి పంకజాక్షుఁడు కరుణకు పాత్రంబు సేయఁ గౌతూహలియై.

⁠ 10

సీ.⁠

గరుడిఱెక్కలగముల్ గగనసౌధమునకు                  కనకంబు వ్రాయువాఁగరులు గాఁగ పసిఁడిచేలచెఱంగు బర్హిబర్హంబను                  మేఘంబునకుఁ గారుమెఱుఁగుఁ గాఁగ కరుణాప్రవాహంబు కన్నుదమ్ములకును                  పసిమించు మకరందరసము గాఁగ మొలకనవ్వులు లచ్చిమోము జూబిల్లిపై                  నెలకొన్న చిన్నివెన్నెలలు గాగ

⁠

గీ.⁠

గరుడగంధర్వగాయనీగాన మమర నమరనాయకు లిరువంకలందుఁ గొలువ విలువలేనట్టి శృంగారవిభవ మెసఁగ నంబుజాక్షుండు మునికిఁ బ్రత్యక్షమయ్యె.

⁠ 11