పుట:రాజగోపాలవిలాసము (చెంగల్వ కాళయ).pdf/190

శ్రీరాజగోపాలవిలాసము

105

⁠

ఘనతపోమహిమనిర్గతరజోగరిమనా                  రాజుత్తరపరాగరాజ మలర శ్రుతిపాఠసంతతోత్సుకశుకశ్రేణినా                  సనవకోరకపత్రసమితి దనర

⁠

గీ.⁠

మదనమార్గణగణనయమహిమ మయ్యు మదనమార్గణవిరహితమహిమఁ జెలఁగు రాజగోపపదధ్యానరాజమాన భక్తలోకావనంబు చంపకవనంబు.

⁠ 5

గీ.⁠

అట్టి చంపకవనమున నఖిలమునులు తపముఁ గావింప వారిలో ధన్యతముఁడు వహ్నిముఖుఁడను సంయమివరుఁడు చెలఁగు సతతగార్హస్థ్యసన్నుతాచారుఁ డగుచు.

⁠ 6

చ.⁠

అలమునిలోకచంద్రునకు నాత్మజులై జనియించి రెంచ గో ప్రళయుఁడు గోభిలుండు నను భవ్యచరిత్రులు వారిలోన గో ప్రళయుఁడు పూర్వపుణ్యపరిపాకఫలంబున మించె నెంతయున్ జలరుహనాభపాదజలజాతవినిశ్చలభక్తియుక్తుఁడై.

⁠ 7

సీ.⁠

కల్యసాకల్యసంకల్పితస్నానంబు                  సాంధ్యకృత్యంబును జపసమాధి యగ్నిహోత్రము దేవతార్చనావిధియును                  వేదపాఠంబును వినయగరిమ మాధ్యందినాదిసన్మానితాచారంబు                  నభ్యాగతులకు మృష్టాన్నదాన మర్హపురాణసమాకర్ణనంబును                  తద్గతబహువిధధర్మచింత

⁠