పుట:రాజగోపాలవిలాసము (చెంగల్వ కాళయ).pdf/183

98

శ్రీరాజగోపాలవిలాసము

శా.⁠

రాణింపన్ తుదసజ్జలన్ వెలిగుడారంబుల్ దిగంతంబులన్ నాణీయస్తరకరత్నగుంభముల చాయల్ మోహరింపన్ శచీ ప్రాణాధీశ్వరు సౌధముం గెలిచి తత్ప్రాసాదరాజంబు త న్మాణిక్యంబులడాల్ హరించె భళి! సన్మానార్హ మౌనౌ ననన్.

⁠ 60

ఉ.⁠

మ్రొక్కుచు వేఁడుచుం గదిసి ముద్దిడుచున్ నునుమోవి నొక్కుచుం జొక్కుచు గోపికల్ ప్రియునిఁ జొక్కఁగ జేయు విలాసచిత్రముల్ చిక్కనిసిగ్గులం బ్రియునిచెంతలఁ జేరక చంద్రశాలలం దొక్కెడఁజూచు నచ్చటి నవోఢల మూఢలఁ జేయు నెంతయున్.

⁠ 61

మ.⁠

వలభీప్రాంతమునందు కార్మొగిలుక్రేవన్ డాఁగుచున్ గ్రమ్మఱం దళుకుల్ చూపుచు చంచలల్ మెలగుచందంబుల్ విలోకించి వేడ్కలమీఱన్ హరినీలదీధితి తమస్కాండంబులో నచ్చటం లలనల్ డాఁగిలిముచ్చు లాడుదురు లీలన్ నాథుఁ డుప్పొంగగన్.

⁠ 62

ఉ.⁠

ముక్కులఁ గెంపురాతళుకుమొక్కల మేటికిరీటి పచ్చరా ఱెక్కల మించఁగా నద నెఱింగి మెలంగు మెఱుంగుబోడులం జక్కెర వేడుచో నచట జాతివిజాతుల నేర్పరింతు రా చక్కెరబొమ్మలో వరులచక్కిని నిల్చిన చిల్కగుంపులన్.

⁠ 63

మ.⁠

కరిదంతమ్ముల పువ్వుబోదె తుదసింగంబుల్ పిసాళింపఁగా సరసం బెంపుడులేళ్లు వాటిగని చాంచల్యంబుచేఁ దాఁటి కా తరసారంగవిలోచనామణులచెంతన్ నిల్వ చెల్వుండు తా నరయు న్నచ్చట వీక్షణంచలములం దౌపమ్య మామేడలన్.

⁠ 64