పుట:రాజగోపాలవిలాసము (చెంగల్వ కాళయ).pdf/184

శ్రీరాజగోపాలవిలాసము

99

శా.⁠

చాలౌమేడలఁ జంద్రకాంతజలనిష్యందంబు లవ్వీటిలో లోలాక్షుల్ తమిఁ జూచునప్పుడు తదాలోకానుషంగంబునన్ వాలారుల్ మగవాలుగల్ గలుగు ఠేవంబర్వ గేహేందిరల్ మీలంచుల్ ధరియించునట్టి కరణిన్ మించున్ నిశావేళలన్.

⁠ 65

ఉ.⁠

వేడుకకాండ్ర గూడి తఱివెన్నెలరేలు మిటారికత్తియల్ మేడలమీఁదనుండి మెరమెచ్చులకై జతగూడి చల్లగాఁ బాడెడు పాట మెచ్చి సురపాదపముల్ తలలూఁప రాలు న వ్వాడనిపువ్వు లెవ్వరును వాడనివా రట లేరు చూడఁగన్.

⁠ 66

ఉ.⁠

అల్లన చంద్రశాలల నొయారులు పౌరుషకేళి సల్పుచో ఝల్లున రాలు ముత్యములు సౌరనదీకనకాంబుజంబులం దెల్లనుఁ బర్వ నంచగమి యింపలరం దమగ్రు డ్లటంచు మై చల్లనిరెక్కలం బొదువు చంచువులం బలుమారు దువ్వుచున్.

⁠ 67

చ.⁠

జలకము లాడి నున్మడుగు సాలియలూని ప్రియానురక్తికై మలయజగంధు లప్పురము మాడువులన్ స్మరమంత్రవాదపుం గలరవముల్ బయల్ పరపఁగా విని నేర్చిన యందువల్ల నే కలరవనామధేయములు గల్గె జగంబునఁ బారువాలకున్.

⁠ 68

చ.⁠

కులగుణరూపరేఖలనె కోరివరింతురు పల్లవావళిన్ వెలవెలఁదుల్ పసిండికయి వేడరు తక్కినవారి నచ్చటన్ బెళుకుమెఱుంగురంగు నెఱబింకము సుంకము వెట్టుమేని క్రొం దళుకులచేతఁ దాము సతతంబును పైఁడివసంత మాడగన్.

⁠ 69

సీ.⁠

వెన్నెల లోక్కొక్కవేళ గాని చెలంగ                  వవియు నవ్వులకు నీడనఁగరాదు కమలముల్ దినమందె కానియందముఁ జింద                  వవియు మోములకు నీడనఁగరాదు

⁠