పుట:రాజగోపాలవిలాసము (చెంగల్వ కాళయ).pdf/165

80

శ్రీరాజగోపాలవిలాసము

క.⁠

కలఁగన్న మేలుకొన్నను కళవళముననైన వాని గాంచియు మఱియున్ పలుమరు కనుగొనఁ గోరెద మెలతరొ! మరి యాస కెందు మేరలు గలవే?

⁠ 67

మ.⁠

పదియార్వన్నెపసిండికి న్మెఱుఁగురాఁ బై జాదుఁగావించు న ట్లెదపై కుంకుమమీఁద హేమరసనాహీనప్రభల్ బర్వఁగా మదనాగేంద్రములీల వచ్చు విభుమర్మంబుల్ విలోకించినన్ మదనావేశముతోడ నెవ్వతె కళామర్మంబు లూటాడవే?

⁠ 68

సీ.⁠

మొగము చూడక మారుమొగము పెట్టుదమన్న                  నతనిఁ గ్రమ్మరఁజూడ నాసయగను చెలులతో నేమైనఁ బలుకఁబోయెదనన్న                  నతనిపేరే మాటలందు దొరలు నలుక యాయనమీఁద నిలిపెదనన్ననుఁ                  బ్రమదంబు తనుదానె పల్లవించు తలఁపులో నాతనిఁ దలఁపకుండెదనన్న                  నతనిమీఁదిదె బాళి యగుచునుండు

⁠

గీ.⁠

నతనిపై నేరముల నెన్నునట్టివేళ నతనిసద్గుణగణములే యాత్మఁదోచు మమత లిటువంటి వతనికి మరులుకొంటి తామసించిన యింక నే దాళంజాల!

⁠ 69

గీ.⁠

ఎన్నివిధములఁ బలికిన నెఱుఁగనైతి వింత నామేనిసంతాప మింత మేన ననుచు చెలి దూరి వలవంత నాసుదంత కంతుమందానిలేందులఁ గనలి పలికె.

⁠ 70