పుట:రాజగోపాలవిలాసము (చెంగల్వ కాళయ).pdf/166

శ్రీరాజగోపాలవిలాసము

81

శా.⁠

నవ్వుల్ శారదచంద్రచంద్రికలుగా నమ్మించి యాచంద్రికల్ పువ్వుల్ గా సవరించి వాటి వెసనమ్ముల్ సేసి యా యమ్ములన్ మవ్వంబుల్ జతగూర్చునంచుఁ దుద నా మర్మంబు నాఁటింపుచున్ చివ్వల్ సేసెద వింద్రజాలములెకా! చింతింప నీవైఖరుల్

⁠ 71

మ.⁠

అలరుంజప్పర మీలతావలయ మాహా! మెచ్చువుట్టించె నిం దలఁపుల్ దీరెదనంచు నెంచి యిటు డాయన్ బోయచందంబునన్ వలలో బోనునఁ జిక్కునట్టు లకటా! వంచించి వేఁటాడె దీ కులుకుంగుబ్బెత లందెకా మదన! నీకోదండపాండిత్యముల్.

⁠ 72

సీ.⁠

పక్షపాతము నచ్చి పరభృతమ్ముల మెచ్చి                  కంటి కింపైన చెంగావు లొసఁగి మాటవాసుల గొల్చి మనినఁజిల్కలఁ బిల్చి                  మేలిమివహి పచ్చడా లొసఁగి తగునడకల కెల్లయగు నంచలకు నెల్ల                  బహుమతిపద్మాల పట్టు లొసఁగి వడిగలతన మెంచి వరుసదేంట్లకుఁ బంచి                  వేర్వేర సేవంతివిరు లొసంగి

⁠

గీ.⁠

చెఱకుసింగణిఁ జెంగల్వచిలుకు దొడిగి పంచసాయక! నను గుఱి పఱచి తీవు చుఱుకు చూపిన హరుచూపు సూడమఱచి మించి యబలలపై విక్రమించె దౌర !

⁠ 73

శా.⁠

స్వాహాప్రాణసహాయకీలములకున్ సాహాయ్యముం జేసి యా మాహామోహనవేషభూషలకు సంపాదించి సంజీవనం బాహా! మంధరగంధవాహపథికప్రాణాపహస్వాంత! భూ వాహం బైతివె యింక నెక్కడిది నిర్వాహంబు పాంథాళికిన్?

⁠ 74