పుట:రాజగోపాలవిలాసము (చెంగల్వ కాళయ).pdf/164

శ్రీరాజగోపాలవిలాసము

79

చ.⁠

ఫలకమునందు వ్రాసి తమప్రాణవిభుం బలుమారు వేడుచున్ బలపల వేగునంతకు నపారవియోగభరార్తలైన యా నెలఁతలచెంత నవ్విభుఁడె నెమ్మది సమ్మదమంద నిల్చినన్ లలనరొ! వారివేడుక కొలంకులు నిండి తొలంకకుండునే?

⁠ 64

మ.⁠

వెలలేనట్టి పదాంగదంబు చెలఁగన్ వింతల్ భళీ! మేలనం దళుకున్ వట్రువ గొప్పముత్తియపుటందం బొప్పు బాహాంగదం బులు రాణింపఁగ ముత్తెపున్ సరపణుల్ ముంజేతులన్ మించఁగా సొలవుల్ మీఱఁగ వాఁడు వచ్చి కనుమెచ్చుల్ సేయఁ డేమందునే?

⁠ 65

సీ.⁠

ఏలలువాడుచో నిపుడేటికో? చంద                  మామమీఁది పదాలు మానినార లధికంబుగాఁగూర్చి రదియేమొ? పన్నీరుఁ                  గర్పూరమునుఁ జల్వగంధమునను సన్న జాదు లిదేమొ యిన్నాళ్లవలెగాదు                  పాన్పుపైఁ దఱచుగాఁ బఱచినారు చేఁబూనుటయెకాక చెలువలు నేఁడేమొ                  కీరశారికులఁ బల్కించలేదు

⁠

గీ.⁠

వెలి విసరినటు లున్న దీవిరహచిహ్న మింతి! నీచెంత కాయన యిపుడె వచ్చు ననెడు నీమాటలకుఁ జాల నలరియుంటి నింతతామస మౌట యే నెఱుఁగ నకట!

⁠ 66