పుట:రాజగోపాలవిలాసము (చెంగల్వ కాళయ).pdf/163

78

శ్రీరాజగోపాలవిలాసము

గీ.⁠

చక్కదనమున శౌరికి సాటి లేరె యించువిలుకానిఁ బోల్చి వర్ణించనెంచు నెంచుఁ దమలోన నేరంబు లెంచుకొనుచుఁ జెలులు శిశిరోపచారముల్ సేసి రెలమి.

⁠ 60

ఆ.⁠

రాజగోపుఁ డిచట రాజాస్య యచ్చట నెటులఁ గలుగు కూట మిరువురకును? వనితపాల గలిగి వలరాచవేలుపు కన్నుఁ దెఱచెనేని గల్గు శుభము.

⁠ 61

సీ.⁠

కందుకుందును లేని కలువలచెలికాఁడు                  గలిగిన చెలిమేనికాఁక దీఱు నిత్యవికాసంబు నెగడుతమ్ములు సంభ                  వించిన చెలిమేనివేఁడి దీఱు పగలురే లొకరీతిఁ బరగువెన్నలతేట                  చేకూర చెలిమేనిసెకలు దీఱు ననిశమార్దవమున నలరెడు తలిరాకు                  లొదవినం జెలిమేనియుడుకు దీఱు

⁠

గీ.⁠

ననినఁ జెలులార! యిట్టివి యందు జగతి నతనిసమ్ముఖ మతనిహస్తావలంబ మతనిదరహాస మాతనియంఘ్రిసేవ గలిగినప్పుడె యివియెల్ఁ గలుగుఁ జెలికి.

⁠ 62

క.⁠

అని పలుకుచెలులఁ గనుగొని కనుగొనలన్ వేఁడితేటకన్నీ రొలుకన్ వనజానన యి ట్లనియెను మనమున సంతాపభరము మల్లడిగొనఁగన్.

⁠ 63