పుట:రాజగోపాలవిలాసము (చెంగల్వ కాళయ).pdf/162

శ్రీరాజగోపాలవిలాసము

77

⁠

వలిపెములున్ హిమాంబువులవాసనగిండ్లును రేవెలుంగురా చలువలపీఁటలుం గొని విచారముతో నుడిగంపుచేడియల్.

⁠ 58

సీ.⁠

కథలు చెప్పెదమైనఁ గలికి! లేజవరాలి                  కలవరింతలు మాన్పఁగాఁదరంబె? కలపంబు పైఁజల్లఁగా నలందెదమైన                  మదిరాక్షి! మైకాఁక మాన్పఁదరమె? విరుల వీజనలచే వీచెదమైనను                  నెలఁతయూర్పులఁవేఁడి నిలుపఁదరమె? పసిఁడియుయ్యల నుంచి పాడెదమైనను                  పడఁతి జాగరము నిల్పంగదరమె?

⁠

గీ.⁠

యవనిఁ గలిగిన శిశిరవస్తువులు దెచ్చి సవదరించెద ముపచారసరణులెల్ల నెట్టివిధమున నమరునో? యీక్రమంబు చెలియప్రాణంబు వలరాజుచేతి దింక.

⁠ 59

సీ.⁠

ఉవమానములు లేవె? యుర్వి నెమ్మోముతో                  జాబిల్లి నెంచఁ బ్రసంగ మేమి? సరివోల్ప మరి లేవె? జగతి గన్నులకును                  వెలిదమ్మిరేకులఁ దలఁపనేమి! పోలికల్ మరి లేవె! భూమిలో బొమలకుఁ                  జెఱకుసింగిణులఁ జర్చింపనేమి? సవతుగా మరి లేవె? యవనిలో మోవికిఁ                  దళుకుఁ గెంజిగురాకుఁ దడవనేమి?

⁠