పుట:రాజగోపాలవిలాసము (చెంగల్వ కాళయ).pdf/142

శ్రీరాజగోపాలవిలాసము

57

చ.⁠

కెలఁకున జిత్రమందును లిఖించిన నీప్రతిబింబ మందమై నెలకొని నిల్వుటద్ద మొకనెచ్చెలి దేరఁగఁజూచి దవ్వునం జెలువుఁడు వచ్చెనంచుఁ గయిసేయుచునుండి విభూషణావళుల్ నెలవులు దప్పఁబూను రమణీమణి తత్తర మేమి చెప్పఁగన్.

⁠ 53

చ.⁠

తలిరులు వాతెఱన్ విరులదండలు చూపుల నాణిముత్తెముల్ పలువరుసన్ సరోజములు పాదయుగంబున మించుటద్దముల్ తళుకుమెఱుంగుఁ జెక్కులనుఁ దా సవరింపుచు నీదురాకకై కలికి ప్రసాధికామణుల కన్న నలంకృతిఁ గూర్చె మేడకున్.

⁠ 54

సీ.⁠

మొగము సోయగముచేఁ బగటువో మీటిన                  యలనాఁటి పగదీర్తు ననియె విధుఁడు కులుకుఁబల్కులచేత నలుక పుట్టించిన                  యలనాఁటి పగదీర్తు ననియెఁ జిల్క ముద్దునెన్నెడలచే గద్దించి కదిమిన                  యలనాఁటి పగదీర్తు ననియె నంచ నెఱిగొప్పుకప్పుచే నెఱదప్ప దరమిన                  యలనాఁటి పగదీర్తు ననియెఁ దేఁటి

⁠

గీ.⁠

ఏల యొకమాట మాటఁగ నించువిలుతుఁ డెపుడు సెలవనునని మది నెంచియున్న యతని బలగంబునెల్ల నిట్టట్టు సేసి రామ నేలర యేలరా రాజసములు.

⁠ 55

గీ.⁠

అనుచుఁ బలికెడు దూతితో ననియె విభుఁడు సారసారెకు నిట్టులో సారసాక్షి! ఇంత దెలుపంగ వలయునే! యింతికొఱకు నిపుడె వచ్చెదఁ జనుమని యెసక మెసఁగ.

⁠ 56