పుట:రాజగోపాలవిలాసము (చెంగల్వ కాళయ).pdf/141

56

శ్రీరాజగోపాలవిలాసము

⁠

భావిమన్మథసంగరప్రౌఢవిజయ కారియైనట్టి యల చిక్కటారి యనఁగ.

⁠ 49

చ.⁠

చెలువుఁడ! నీదు భావరసచిత్రము నేర్పులు మీఱ వ్రాసి యా కెలకుఁన వింతవింతగ లిఖించిన యాత్మవిలాసభావమున్ జెలులు కనుంగొనంగ నునుసిగ్గున నవ్వుచు తేటచెక్కులం దలమికొనంగ నున్న చెలియందము లేమని విన్నవించెదన్.

⁠ 50

సీ.⁠

కనకపాత్రికలఁ బంకజరాగదీపిగా                  కలికల నారాత్రికల నమర్చి మణులసంబెళలతో మగరాలబాగాల                  బరణులు తగ నడపంబు గట్టి మలయంపువలిగాడ్పు మొలకలు చిగిరించ                  నలరు వీజనములు నలవరించి ఘనసారమృగమదగంధసారమ్ముల                  ఘమ్మనం గలపంబుఁ గలయఁగూర్చి

⁠

గీ.⁠

మలయు రతనంపు కీలుబొమ్మలను గూడి పడఁతి నడయాడు మాకు నేర్పఱుపఁదరమె? యింతి యిది బొమ్మ లివి యంచు నెఱిఁగి వేడ్క సేవ సేయించికొన జాణ వీవె జగతి.

⁠ 51

చ.⁠

సొలపుల నీదు రాకలనుఁ జూచు మృగేక్షణ వాలుచూపులం గలువలతోరణంబులనుఁ గట్టినకైవడి సౌధమార్గమున్ జెలగుచునుండ మున్నె కయిసేయుట గాఁగ బ్రసాధికామణుల్ పలుకఁగఁ జూచి నవ్వు మణిపంజరకీరములెల్ల గేరుచున్.

⁠ 52