పుట:రాజగోపాలవిలాసము (చెంగల్వ కాళయ).pdf/140

శ్రీరాజగోపాలవిలాసము

55

గీ.⁠

రాజగోపాలుఁ డన్నింట రసికుఁడౌను నయిన దెలిపెద నానేర్పు నతిశయిల్ల నతని చిత్తంబు నీభాగ్య మైక్య మంద మందగజయాన! నమ్ము ముమ్మాటి కిపుడు.

⁠ 44

క.⁠

అనవుఁడు నెచ్చెలిఁ గనుగొని వనితామణి చిలుకతోడు వలయునె? నీవే చనినం గార్యంబగు నన ననిపించుక జనియెఁ జెలియు నల హరికడకున్.

⁠ 45

గీ.⁠

కోటిమన్మథలావణ్యకోటియైన వల్లవీజారుముందర వచ్చి నిలిచి మందమందాక్షరంబుగ మందగమన పలికెఁ బలుకులఁ గపురంపుఁబలుకు లొలుక.

⁠ 46

మ.⁠

తరుణీరత్నము నీదురాకలకు సౌధద్వారభాగంబునం జరియింపన్ మణిహంసకారవము సాజాత్యంబునం గేళికా సరసీజాకరతీరచారులగు నంచల్ వెంబడించంగ నీ ర్భరసంతాపము జెందకుండ ననుకంపన్ నీవు గావందగున్.

⁠ 47

చ.⁠

అరవిరులన్నఁ జూచుటకునైనను సమ్మతి సేయనట్టి యా సరసిజనేత్ర బంగరువుచప్పరమంచము చంచలాక్షులన్ సరిగ నలంకరించుఁడని సారెకుసారెకు నెచ్చరించి పూ సరముల నిచ్చు నీవు రభసంబున నింటికి వచ్చు వేడుకన్.

⁠ 48

గీ.⁠

ఎదురుచూచుచు నీరాక కిందువదన కమ్మకస్తూరిచే తిలకంబు దీర్చె

⁠