పుట:రాజగోపాలవిలాసము (చెంగల్వ కాళయ).pdf/134

శ్రీరాజగోపాలవిలాసము

49

గీ.⁠

విరహిజనములపై వేఁట వెడలు మరుని జిగురుఁగండెలు కాఁబోలు చెలువచూపు లందు గట్టిగ నంటిన యట్టి నాదు మనసు మరలక యున్న దేమనఁగ నేర్తు?

⁠ 22

సీ.⁠

వలకారిచూపులు దెలిపెను భావంబు                  కలికి యేమోకాని పలుకదయ్యె? నిఱుకుగుబ్బలచాయ లెదురుకోలు ఘటించె                  పడఁతి యేమో యోరపాటు సేసె? ముసిముసినగవు సొంపులు సేదఁ దేర్చెను                  వెలఁది యేమిటికినో వెతలఁ బెట్టె? ననురాగమంతయు గనుపించె వాతెఱ                  తెఱవ యేమో సమ్మతించదయ్యె?

⁠

గీ.⁠

నేమి యనవచ్చు నక్కటా! మామకీన సమసమయజాతభావనాసాహచర్య కందళన్మోహసన్నాహఘనఘనాఘ నాంతవిద్యున్నిశాంతంబు లింతి సటలు.

⁠ 23

గీ.⁠

కలువ విరిదండ సారించు కరణినున్న నున్నతామోదమునఁ దేలియుంటి గాని బాలచూపుల వెంటనే వాలుదూపు లించువిలుకాఁడు సంధించి యేయు టెఱుఁగ?

⁠ 24

గీ.⁠

ఎపుడు వచ్చునొ యిచట కయ్యిందువదన ఇంత తామసమౌటకు హేతువెద్ది? ఏయుపాయంబుచేత నీరేయి గడచు ననుచు జింతింపుచున్నట్టి యవసరమున.

⁠ 25