ఈ పుట ఆమోదించబడ్డది
రమ్యాలోకము
ఖేదమోద ప్రసక్తులన్ భిన్నకుశల
దశలకు వశంవద మగుచు, తన్మయమయి
తన్మయ మొనర్చు సహృదయాంతఃకరణ ము
ఖోపభోగ్యమె, రస మన నొప్పు కృతుల.
కానవచ్చు సౌందర్య శృంగారములకు
అంతరం బనభివ్యక్తమయి ; ఉపాధి
గతము సౌందర్య - మనుపాధికము రసాధి
కారి శృంగార - మఖిలమంగల్యపరము.
రసరతంబైన హృది మకరందపాన
పరవశం బగు మధుకరావస్థ నందు;
తన్మహత్తర కైవల్యధారణాప్తి
కావ్యమందు ఆనందంబుగా స్మరింతు.
