మన్నారుదాసునికాంత లతనివైఖరి నెఱంగి కలవరపడుట
| క. |
మన్నరుదాసుని పలుకులుఁ
గన్నియ లందఱును వినుచుఁ గలకల నగుచున్
సన్నల సైగల నప్పుడు
[1]వన్నెగ నిట్లనిరి చతురవైఖరి మీరన్.
| 20
|
| సీ. |
ఎలనాగ! చూచితే యీవిభు మోహంబు
వెలఁది! చూచితినమ్మ వింతగాను
నళినాక్షి! వింటివా నాథుని పలుకులు
నతివ! వింటిఁగదమ్మ యందముగనె
ఆటపాటలచేత నందచందంబుల
మనకన్న నెక్కుడా మగువ! వినవె
యింతులపొందు దా నెరుఁగని యందానఁ
జిత్త మాయింతిపైఁ జేర్చె నమ్మ!
|
|
| తే. |
వలచువారలు లేరొ యీవసుధలోన
యింత తమి గల్గ వింటి మే యిందువదన!
యనుచుఁ దమలోన గుసగుసలాడుకొనుచు
విజయరాఘవుఁ గనుఁగొని వేడ్క ననిరి.
| 21
|
| సీ. |
ముదమున నే వచ్చి ముద్దుబెట్టు మనంగ
ముద్దువెట్ట వదేర మోహనాంగ!
సంతసంబున వచ్చి సరసంబు లాడిన
సరస మేలాడవు జాణరాయ!
మచ్చికతో వచ్చి మడుపు కొర్కిచ్చిన
మడు పందుకోవేమి మన్నెరాయ!
నెనరుతో నే వచ్చి నిను గౌఁగిలించిన
గౌఁగిలింప వదేమి కంతురూప!
|
|
| తే. |
యెవ్వతె దలంచినా విప్పు డెమ్మెకాఁడ!
యానతియ్యర నాసామి! యందముగనె
యనుచుఁ దను జేరి పలుకంగ నబ్జముఖులు
కాంతిమతిమీఁద నెలకొన్న కాంక్ష నుండె.
| 22
|
- ↑ వెన్నగ. క. వన్నెగ
