పుట:మన్నారుదాసవిలాసము (పసపులేటి రంగాజమ్మ).pdf/95

చతుర్థాశ్వాసము

77

సీ.⁠

ముదితరో! నీముద్దుమోముఁ జూచినను మ         హాపద్మనిధిఁ జూచినట్లు తనకుఁ గలకంఠకంఠి! నీకంఠంబుఁ జేనంట         నల శంఖనిధి తన కంటినట్లు శీతాంశుముఖి! నీదు చెట్టబట్టిన తన         కల పద్మనిధి చేతి కబ్బినట్లు మగువ! నీచనుఁదోయి మకరముల్ చిత్రింప         నదె మాకు మకరని ధైనయట్లు

⁠

తే.⁠

కలికి! నీయుపరిపదముల్ కచ్ఛపనిధి నెలఁత! నీ నెఱిగురు లెంచ నీలనిధియుఁ గొమ్మ! నిను గూడుటే యాముకుందదయను గుందని వరంబు లెల్లఁ జేకూడినట్లు.

⁠ 18

సీ.⁠

పలుమారు బిలిచినఁ బలుకకయున్నావు         పంత మీవేళనా? పద్మగంధి! యెంత నే వేఁడిన నెలమితోఁ జూడవు         సరస మీవేళనా? సన్నుతాంగి! చేరి నే మ్రొక్కినఁ జేరఁదీయ వదేమి?         నవ్వు లీవేళనా? పువ్వుఁబోణి! కదియ నే వచ్చినఁ గౌఁగిలింప వదేమి?         అలుక లీవేళ నా? జలదవేణి!

⁠

తే.⁠

తరుణి! నీ దాసుఁ డనుచును దయను నన్ను సేవ సేయించుకోరాద చెలియ! నీవు మరుఁడు దండెత్తె నామీఁద మగువ! నీదు చరణపద్మంబులకు నిదె శరణు శరణు.

⁠ 17