| తే. |
[1]నవుర యాచంద మాయంద మాయొయార
మట్టి యాకుల్కు లాబెళ్కు లట్టి తళ్కు
లహహ! యానీటు లాతేట లట్టి నడలు
గలదె! భూలోకమందు నేకాంతలకును.
| 65
|
| చ. |
చెలువుగ ఫాల్గుణోత్సవము శ్రీకరలీలల శేఖరింపుచున్
వలనుగఁ బిన్నపెద్దలను వాకిట నుండెడియట్టి మంత్రులన్
నెలకొను వేడ్కతోఁ బనిచి నీరజలోచనఁ బెండ్లియాడఁగాఁ
దలఁచితి నంతలోపలనె తామరసాక్షిరొ! వచ్చితేకదా!
| 66
|
| క. |
మనమునఁ దలచిన కోరిక
వనితా! నెఱవేఱె నీవు వచ్చినకతనన్
విను రేపె పెండ్లి యనుచును
వినుపింపుము కాంతిమతికి వేడుక మీరన్.
| 67
|
విలాసవతి కాంతిమతివద్ధికి మరలి సకలవృత్తాంతంబుల నెరుకపరచుట
| మ. |
అని లాలింపుచు నవ్విలాసవతి నత్యానంద మొందింపుచున్
ఘనమౌ సొమ్ములు కాంచనాంబరములు గర్పూరతాంబూలమున్
వినుతుల్ సేయుచు నియ్యఁగా మనమునన్ వేమారు నుప్పొంగి తా
ననియె న్మన్నరుదాసుఁ జూచి నగుచున్ హర్షంబు రెట్టింపఁగాన్.
| 68
|
| క. |
స్వామీ! నీతోఁ దెల్పిన
యీమాటలు రాజచంద్రుఁ డెఱుఁగకయుండన్
నీమంత్రుల నటఁ బంపుము
తామసమున కింక చెలియ తాళదుసుమ్మీ!
| 69
|
| సీ. |
విజయరాఘవిమహీవిభునితో మాటాడి
మగుడివచ్చుచు నల మందయాన
తలఁపు ఫలించెగా తనకు నేఁ డని యెంచి
యెంతయు మదిలోన సంతసించి
|
|
- ↑ క. నౌర
