పుట:మన్నారుదాసవిలాసము (పసపులేటి రంగాజమ్మ).pdf/87

తృతీయాశ్వాసము

69

⁠

రఘునాథతనయుఁడు రమ్మని తనుఁ బిల్చి         చాల లాలించెగా చల్లఁగాను మండలాధిపులతో మాటలాడని మేటి         ననుఁ బిల్చి మాటాడె నమ్ము మనుచు

⁠

తే.⁠

సొంతభాగ్యంబు సేసితి నెలమి నేను కలిగె నింతటిదొరసముఖంబు తనకుఁ బంత మీ డేర్పఁ గంటిని పణఁతి కిపుడె యనుచుఁ బల్కుచు నట వచ్చు నవసరమున.

⁠ 71

క.⁠

కాంతిమతియు నవ్వనమున మంతనమున నుండి చాల మరుకాఁకలచే నింతింతనరాని తమిన్ జింతింపఁగఁ దొణఁగె దనదు చిత్తములోనన్.

⁠ 72

సీ.⁠

పంతముల్ వల్కి నాపతినిఁ గూర్చెద నని         జలజాక్షి చనియెగా సముఖమునకు [1]మన్నారుదాసుతో మాటలాడఁగ వేళ         కలుగునో కలుగదో! కమలముఖికి రాజసంబున నల రాజాధిరాజు దాఁ         బలుకునో బలుకఁడో! భావ మలర మచ్చరంబున పద్దిమగువ లీ కార్యంబుఁ         జెలువుండు వినకుండ సేతు రొక్కొ!

⁠

తే.⁠

ఏల చెలి తామసించెనో? యింతసేపు మించుఁబోణి తడవు [2]తామసించె నపుడె పూనినటువంటి కార్యంబుఁ బొంకముగను నిర్వహించుట తోఁచెను నెమ్మనమున.

⁠ 73

తే.⁠

అనుచు నాలోచనలు సేయునట్టి వేళ వామనేత్రాంసకుచములు వరుస నదరెఁ గలకలంబుగ దక్షిణగౌళి వలికె వేగఁ బెండ్లి కుపశ్రుతి వినఁగ నయ్యె.

⁠ 74

1. మన్నరు. క. మన్నారు.
2. తామసించినపుడె?