శ్రీరాజగోపాలాయ నమః
మన్నారుదాసవిలాసము
(పద్యకావ్యము)
తృతీయాశ్వాసము
|
శ్రీవిజయరాఘవాధిప
భావితనిజదివ్యలీల! భాసురశీలా!
పావనశుభ గుణహారీ!
గోవర్ధనధారి! రాజగోపాలహరీ!
| 1
|
సీ. |
చంద్రకాంతములందు సరసత నెరయించి
మొనయించి తొగల కామోదగరిమ
వేడ్కఁ జకోరాళి విందులఁ దగఁ బూన్చి
జలధుల కభివృద్ధి జాలఁ గూర్చి
కందర్పునకు బాహుగర్వ మెక్కు డొనర్చి
బొండుమల్లియలతోఁ బొందుఁ గాంచి
కామినీకాముకస్తోమంబుఁ గదియించి
యిలకుఁ జల్వ నొసఁగి యింపు మీరఁ
|
|
తే. |
దారహీరపటీరకర్పూరరుచుల
మిగుల నీహారధారలు నిగుడఁ జేసి
పుండరీకరుచిస్ఫూర్తి మెండుకొనుచుఁ
బండువెన్నెల జగముల నిండియుండె.
| 3
|
చెలులు కాంతిమతికి శైత్యోపచారములఁ జేయుట
క. |
వెన్నెల యిడు నలజడికిన్
దిన్నఁగ నెదురించు చలువతెమ్మెరవడికిన్
గ్రొన్ననతేనెల జడికిన్
గన్నియ మదిఁ గాఁక హెచ్చఁ గలఁగె న్మిగులన్.
| 5
|