పుట:మన్నారుదాసవిలాసము (పసపులేటి రంగాజమ్మ).pdf/70

52

మన్నారుదాసవిలాసము

మ.⁠

జవరా లున్న తెఱంగుఁ గాంచి సకియల్ శైత్యోపచారంబులన్ సవరింపన్ వలె నంచు నెంచి యచట నవ్యేందుకాంతస్థలిక్ జివురుంబా న్పమరించి పూలబటువుల్ చెన్నొందఁ గీలించి యా నవలామిన్నను నిల్పి తాప ముపశాంతం బౌ తెఱం గేర్పడన్.

⁠ 6

సీ.⁠

పడఁతి యొక్కతె మేనఁ బన్నీరుఁ జిలికించె         సుదతి యొక్కతె పూలసురఁటి విసరె జలజాక్షి యొక్కతె చలువగంద మలందె         సకియ యొక్కతె కల్వసరులు జుట్టెఁ జెలువ యొక్కతె నించెఁ జెందమ్మిపుప్పొడిఁ         గలికి యొక్కతె గుప్పెఁ గప్పురంబుఁ బొలఁతి యొక్కతె గప్పె నలరుల దుప్పటి         వెలఁది యొక్కతె యిచ్చె విరులబంతి

⁠

తే.⁠

బాలికామణి యొకతె మృణాళలతలు సారెసారెకు నెమ్మేనఁ దీరుపఱచె మఱియు నింతులు గొంద ఱమ్మగువ కపుడు సకలశైత్యోపచారముల్ సలిపి రెలమి.

⁠ 7

శైత్యోపచారము నిష్ఫల మగుట - మన్మథబాణవిద్ధ యగు కాంతిమతియొక్క మాన్మథప్రలాపము

సీ.⁠

పదముల హత్తించు పల్లవప్రకరంబు         కుచయుగార్పితసుమగుచ్ఛములును బాహుయుగంబునం బరపు మృణాళముల్         నెమ్మోముపై నుంచు నీరజంబు కొప్పున సవరించు కురువేరుగుంపులు         కనుదోయి హవణించు కలువసరులు సరవిమై నించిన సంపెంగరేకులు         పుక్కిట నెలకొల్పు పొన్నవిరులు

⁠

తే.⁠

ఉవిదయంగంబులకు నోడియున్న వగుట నధికతాపభరంబున నపుడు మిగుల వాఁడి యెంతయు మలినభావము వహించి సేవ సేయుచు నున్నట్టి చెలువుఁ గాంచె.

⁠ 8