పుట:మన్నారుదాసవిలాసము (పసపులేటి రంగాజమ్మ).pdf/65

ద్వితీయాశ్వాసము

47

⁠

నవరత్నమయభూషణముల శృంగారముల్         వింతగాఁ గనుపట్ట వేడ్కఁ బూని

⁠

తే.⁠

అపుడు పులుకడిగిన ముత్తియము లనంగ చికిలి సేసిన మరుని సాయకము లనఁగ మెఱసి తొలఁగని [1]తొలకరి మెఱుఁగు లనఁగఁ జూడఁ గనుపట్టి రెంతయు సొగసుమీర.

⁠ 93

మన్మథారాధనము

వ.⁠

తదనంతరంబ.

⁠ 94

సీ.⁠

సంతసంబున నింక కంతునిఁ బూజించి         యింతి మైకాఁక వారింత మనుచు నంగనామణు లెల్లఁ జెంగల్వడిగ్గియ         చెంగట నెంతయు రంగుమీరు సురవొన్నక్రిందట హరువులు గనుపించఁ         బరపైన విరులచప్పర మొనర్చి పన్నీటఁ బదనిచ్చి మిన్నగాఁ గనుపట్టఁ         దిన్నఁగా గందంపుదిన్నె వైచి

⁠

తే.⁠

చాతురి జెలంగఁ గస్తురిచేత నలికి నిగ్గు దేరంగఁ గపురంపుమ్రుగ్గు వెట్టి తమ్మివిరిరేకుపటమునఁ గమ్మవలపు గోవజవ్వాదిచే నిజభావ మలర.

⁠ 95

మ.⁠

రతిదేవి న్మకరాంకునిన్ సుమధనుర్బాణంబులన్ మందమా రుతమున్ శీతకరున్ వసంతు శుకమున్ రోలంబకాదంబసం తతులన్ గోకిలశారికాప్రతతులన్ దత్తద్విలాసంబులన్ జతగూడన్ లిఖియించి నిల్పి యచటన్ జాతుర్య మొప్పారఁగన్.

⁠ 96

క.⁠

విరవాదులు సంపెంగలు మరువము దవనంబు బొండుమల్లెలుఁ గలువల్

⁠

1. తొలుకరి