| క. |
రయముల మారుతమానస
జయముల మును గనిన వగుట స్వామికి వనిలో
[1]జయముల నొసఁగఁగఁజాలెడు
హయము లనేకములు జెలఁగు నప్పురిలోనన్.
| 99
|
| క. |
బాహుబలయుతులు నిజస
న్నాహంబులఁ జెలఁగు సింహనాదంబులచే
నాహవముల వైరిగజ
వ్యూహముల నడంచి వీట నొప్పుదురు భటుల్.
| 100
|
| సీ. |
గజతురంగమధేనుకల్పనగంబులు
విద్రుమముక్తాదివీథిశతము
సహ్యజ మొదలైన సకలమహానదుల్
మానితద్విజరాజమండలంబు
దీవులకై వచ్చి తిరిగిపోవుచు నుండు
వణిజు లాదిగ గల్గు వర్తకులును
అచ్చరలే వీర లనఁదగు నతులిత
సౌందర్యనిధు లైన జలజముఖులు
|
|
| తే. |
దినదినంబును నభివృద్ధి గను విధంబు
నమితబుధతృప్తిఁ గలిగించు నమృతమహిమఁ
జెంగమలవల్లి మన్నారు చెలఁగుచున్కి
పాలసంద్రంబె యౌర యప్పట్టణంబు.
| 101
|
విజయరాఘవుఁడు రాజగోపాలస్వామికి ఫాల్గుణోత్సవముఁ జేయ సంకల్పించుట
| సీ. |
తన చక్కదనము కందర్పచంద్రులకును
దేహాభిమానవృత్తిని హరింపఁ
దన దానమహిమ సంతానాభ్రములకును
బాటి దప్పిన వెల్లఁబా టొనర్ప
|
|
- ↑ జయము లొసంగఁగ జాలెడు
