పుట:మన్నారుదాసవిలాసము (పసపులేటి రంగాజమ్మ).pdf/37

ప్రథమాశ్వాసము

19

చాతుర్వర్ణ్యవర్ణన

ఉ.⁠

అంబుజసంభవుండు వినుఁ డాదియుగంబున యత్న మొప్ప య జ్ఞం బొక టాచరించి యల శౌరినిఁ దన్పుట యేమి చిత్ర మం చుం బురిలోని బ్రాహ్మణులు జూడఁ బ్రదక్షిణరీతి మీర య జ్ఞంబులు [1]సేయుచున్ దినము శౌరికి మోద మొనర్తు రెంతయున్.

⁠ 93

ఆ.⁠

అప్పురంబునందు నతివిచిత్రం బిది క్రతువులందు ద్రవ్యరాసు లొసఁగి యుత్తరాయణంబు నొగి దక్షిణాయనం బుగ నొనర్తు రరయ భూమిసురలు.

⁠ 94

క.⁠

[2]శ్రీ గలిగి చదువుసాముల భోగంబుల త్యాగములను భుజశౌర్యములన్ బాగగు రాజకుమారకు లేగతి నల పరశురాము నెంచరు వీటన్.

⁠ 95

క.⁠

నూటికి నొక్కొక్కటిగా మాటికి నభివృద్ధి గను సమగ్రధనములన్ గోటికిని పడగ లెత్తిన మేటి కిరాటవ్రజంబు మించు న్వీటన్.

⁠ 96

క.⁠

బలియును మున్నొక రెండడు గుల నేల నొసంగలేక [3]కొదవపడె నెటం చల పురి శూద్రులు శౌరికి వలసిన గ్రామంబు లొసఁగి వరలుదు రెపుడున్.

⁠ 97

గజతురగపదాతివర్ణన

చ.⁠

ధరఁ దమవంశమందు నొకదంతిపతిం దగఁ గాచినట్టి శ్రీ హరిపద మౌ గదా యిది యటంచు ఘనంబున నెంచి యేమొ య ప్పురిఁ జరియించు మత్తగజముల్ ప్రజ లెల్లను మెచ్చి చూడఁగాఁ గరములు సాంచి యాకసముఁ గౌతుక మొప్పఁగ నంటు సారెకున్.

⁠ 98

1. సేయుచుండినను
2. శ్రీ గలిగి సదువుసాలముల
3. కొదవపడ నెటం