పుట:మన్నారుదాసవిలాసము (పసపులేటి రంగాజమ్మ).pdf/106

88

మన్నారుదాసవిలాసము

తే.⁠

కాంతిమతిని మ్రొక్కించెను గనుక తనకు భామఁ జూచితిఁ గన్నులపండువుగను సకలశుభలక్షణంబు లాచానయందె కలవు నీ భాగ్యవశమునఁ గలిగెఁ దరుణి.

⁠ 64

సీ.⁠

చందమామను మించుఁ జక్కని నెమ్మోము         కలువరేకులఁ గేరు కన్నుదోయి సంపంగిమొగ్గతో సరివచ్చు నాసిక         యధరంబు పగడంబు నంద మొందుఁ జంద్రఖండములతో సాటి యౌ చెక్కిళ్ళు         వెన్నెలల్ వెదచల్లు వెలఁదినవ్వు చిందంబుచందంబుఁ జెనకును గంఠంబు         కోకయుగ్మము గెల్చుఁ గుచయుగంబు

⁠

తే.⁠

పల్లవంబుల నిరసించుఁ బాణితలము పద్మరేఖల మీరును బదము లౌర! మురువుగల్గిన సకలసాముద్రికోక్త లక్షణము లన్నియును నెంచ లలన కలరు.

⁠ 65

క.⁠

కాంతిమతినిఁ బెండ్లాడిన సంతసమున నీకుఁ గల్గు సకలశుభము లే నెంతనుచున్ వినుతింతును [1]మంతుకు నెక్కుదువు మిగుల మన్నరుదాసా!

⁠ 66

వ.⁠

అని యానతిచ్చి యయ్యాచార్యవర్యుండు సుఖంబున నుండుమని యుల్లంబు రంజిల్లం బలికి, తిరుమాళిగఁ బ్రవేసించి పరమానందంబున నుండె. నంత విజయరాఘవమహికాంతుఁడును సంతసంబున యింతులుం దానును సుఖంబున నుండె. మరునా డరుణోదయసమయంబున శ్రీరాజ గోపాలశౌరి తిరుమంజనంబుఁ గొన నవధరించి చెలు వలరు జిలుగువలువలఁ దడియొత్తి విజయరాఘవసమర్పిత మైన వజ్రాంగియు, హెచ్చైన పచ్చల కిరీటంబును, గొప్పలగు సుప్పాణిముత్యాలచౌకట్లును చాల హెచ్చిన మురువుముత్యంబులు, తళుకువజ్రములదామకంబు లమర్చిన ముత్తెల కంఠ సరంబులును, రతుల హెచ్చిన పచ్చపదకంబును, నక్షత్రకంఠమాలయును, చురుకుకెంపుల మీసరంబు లగు చేసరంబులును, డంబుగల వైడూర్యంబుల

⁠

1. క. మంతున కెక్కుదువు మిగుల మన్నరుదాసా!