పుట:మన్నారుదాసవిలాసము (పసపులేటి రంగాజమ్మ).pdf/105

చతుర్థాశ్వాసము

87

క.⁠

మన్నారుదాసనృపతికి వన్నెగ కుడికన్ను భుజము వరుసగ నదరెన్ దిన్నఁగఁ జుంచును బలికెన్ గన్నులపండువుగ వామగరుడుం డయ్యెన్.

⁠ 57

వ.⁠

తదనంతరంబ.

⁠ 58

క.⁠

మచ్చికతో నాచార్యులు వచ్చుటకై యెదురుచూచు వసుధాధిపుతో వచ్చిరి యదె యాచార్యులె యిచ్చటి కని విన్నవించి రెగ్గడికత్తెల్.

⁠ 59

క.⁠

ఆమాట చెవుల నమృతము వేమరుఁ జిలికించినట్లు విం దొనరింపన్ శ్రీ మెఱయఁ దాతయార్యుల భూమీశ్వరుఁ డెదురుకొనియెఁ బొలుపగు భక్తిన్.

⁠ 60

చ.⁠

ఎదురుక తోడితెచ్చి తనయిష్టసతీనివహంబు తానుఁ ద త్పదముల నంటి వదనముఁ బల్మరు సేయుచు హేమపీఠమం దొదవెడు వేడ్క నిల్పుచుఁ బియోక్తులచే వివిధోపచారముల్ మదిఁ దనరంగ సేయు నల మన్నరుదాసునిఁ జూచి యిట్లనున్.

⁠ 61

క.⁠

ఫలియించె నీదుకోరిక చెలు వలరఁగ రేపె పెండ్లి చేకురు నీకున్ [1]బళి వీట పూఁటకాఁపై జలజాక్షుఁడు గలుగఁగా నసాధ్యము గలదే!

⁠ 62

వ.⁠

అని మఱియును.

⁠ 63

సీ.⁠

వినవయ్య వేడ్కతో విజయరాఘవభూప!         యే రాజచంద్రుని యింటి కేఁగి యారాజు నెమ్మది హర్షించు నట్లుగా         దేవరగుణములుఁ దెలిపి మిగుల నతఁడు పుత్రినిఁ గాంతిమతిని నీ కొసఁగఁగఁ         జెలువుగా సంఘటించితిని శౌరి తిరుతేరుతిరునాళ్ళు నెరవేరు వెంబడి         నే వివాహము నిర్ణయించినాము

⁠

1. ఫళి. క. ఫళి