తే. |
ప్రియముతోడుత నేఁ బూని పెండ్లి సేయ
సవతులందును నీ పుత్రి సాటి యెవ్వ
రింక నాలోచనలు మాని యిపుడు సుతను
విజయరాఘవునకు నిమ్ము వేడ్క మీర.
| 51
|
సీ. |
ఆమాట లాలించి యారాజు ముదముతో
నాచార్యవర్యున కనియె మగుడ
ననఘాత్మ! యిట్లు మీ రానతి యిచ్చిన
నే నుత్తరంబియ్య నెంతవాఁడ?
స్వామివారు తనకు సకలసౌభాగ్యంబు
లేవేళ సమకూర్చ హితుల రగుట
నాముద్దుపట్టిని నరనాయకులు మెచ్చ
విజయరాఘవునకు వేడ్క నిత్తుఁ
|
|
తే. |
బొంతనంబులుఁ దెలిసి మా కాంతిమతికి
మంచిలగ్నంబుఁ దగ నిశ్చయించి యిపుడు
పెండ్లి పెద్దలు మీర యై ప్రేమఁ బూని
పెండ్లి సేయుఁడు వేగమే పృథివి వెలయ.
| 53
|
వ. |
అనిన నా రాజచంద్రునకు నాయాచార్యశిఖామణి యిట్లనియె.
| 54
|
తే. |
మన్ననారురథోత్సవమహిమ రేపు
వేడ్కఁ గావించి యెంతయు విభవ మలర
వినుము నిశ్చయతాంబూల మొనర సేయ
నీదునగరికి వత్తుము నిక్కముగను.
| 55
|
శ్రీనివాసతాతయాచార్యులు వివాహమంగళవార్తను మన్నారుదాసున కెఱింగించుట; మన్నారుదాసుఁడును మన్ననారు సేవించి యానందించుట
వ. |
అని యాసలిచ్చిన యాచార్యచంద్రునకు రాజచంద్రుండు నమూల్యంబు
లగు కనకాంబరంబులు ననర్ఘంబు లగు మణిభూషణంబులు సారఘనసార
తాంబూలంబు లర్పించినఁ గైకొని [1]యమ్మహామహుండు నిండువేడుక
తోడ మరలివచ్చి చెన్నుమీరు మన్నారుదాసునినగరు బ్రవేశించి యంతః
పురంబుఁ జేరవచ్చె నాసమయంబున.
| 56
|
- ↑ యిమ్మహామహుండు