పుట:మన్నారుదాసవిలాసము (పసపులేటి రంగాజమ్మ).pdf/100

82

మన్నారుదాసవిలాసము

క.⁠

ద్వాపరయుగమునఁ జంద్రుఁడు గోపాలుని చెంతఁ జేరి కోర్కులు మీరన్ శ్రీపతి! రవిశశిలోచన! తాపసహృదయాబ్జమిత్ర! దానవజైత్రా!

⁠ 32

ఉ.⁠

తామరసాప్తపుత్రి యయి ధారుణి మీరు కళిందకన్యకన్ స్వామి వివాహ మౌట విని చాల ముదం బొనఁగూడె నెమ్మదిన్ బ్రేమ మదీయపుత్రికను బెండ్లయి యిప్పుడు వేడ్క మీరఁగా మామన వాలకింపుచు సమంబుగఁ జూడుము రెండు కన్నులున్.

⁠ 33

సీ.⁠

అన విని గోపాలుఁ డాచంద్రుఁ గనుఁగొని         పలికె నిట్లనుచును భావ మలర నీముద్దుచెల్లెలి నేము పెండ్లాడఁగాఁ         గోడ లయ్యెను నీదు కూఁతు రిపుడు [1]కలియుగంబునఁ జాల ఘనుఁ డైన రఘునాథ         భూపాలవరునకుఁ పొడమి యేను విజయరాఘవుఁడ నై విఖ్యాతి మీరెద         దక్షిణద్వారకాస్థలిని నీవు

⁠

తే.⁠

రాజచంద్రుఁ డనందగు రాజ వయిన నపుడు నీకన్యఁ బెండ్లాడి యందముగను సంతసం బొనరించెద సరగ ననియెఁ గాన విను మింక విజయరాఘవనృపాల!

⁠ 34

తే.⁠

నీవె శ్రీరాజగోపాలదేవుఁడ విలఁ జంద్రుఁడే యెంచ నారాజచంద్రనృపతి ఘనత నారాజసుత యైన కాంతిమతిని బెండ్లిసేసెద నే నీకుఁ బ్రేమమీర.

⁠ 35

క.⁠

తులలేని నీగుణంబులు సలలితముగ నేను రాజచంద్రునితోడన్ దెలిపి వివాహముహూర్తము విలసిల్లఁగ నిశ్చయించి వేగమె వత్తున్.

⁠ 36

1. కలికియుగంబున