ఈ పుట ఆమోదించబడ్డది
వికటముగ నవ్వి, తోడనే భృత్యుఁ డనియె;
'అహహ! దేవర యెంత మాటాడినారు :
మీరలో ? -' 'నేను నేలపైఁ గూరుచుంటి'
ననుచు బదులిడె గొణుగుచు మనుజవిభుఁడు.
3. “ నీచు నుచ్చుని, ఉచ్చుని నీచునిఁగను,
సేవకుని రాజు, రాజును సేవకునిఁగ
చిటికలో తాఱుమాఱుగ చేయుచుండు
చిత్రముగ దేవుఁ, డిదె వానిసృష్టిమహిమ.'
అనుచు వచియించి, భటుఁడు సింహాసనంబు
తోడనే డిగ్గి కేలోయి దోయిలించి,
ప్రభువతంసమ : మీ మూఁడు ప్రశ్నములకు
నుత్తరంబులు చెప్పితి యుక్తి మెఱయ;
శిరము తఱిఁగింతురో, లేక శిరమునిండ
గుమ్మరింతురో ధనరాశి కూర్మి మీఱ ?
నాధ : మీచిత్త, మవ్వల నాదు భాగ్య
మెట్టులున్నదొ యట్లు చేయింపు డయ్య."
44
