ఈ పుట ఆమోదించబడ్డది
చింకిగుడ్డలు, తల పైని వంకపాగ,
కేల గునుపులకఱ్ఱను లీలఁ దాల్చి
కట్టెదుట నున్న సేవకుఁ గాంచి రాజు
అచ్చెరువునొంది, ‘నీ వేల వచ్చితి ' వనె.
"భూవరా! నీయమాత్యుని సేవకుండ,
వ్యాధిచే నాదు నేలిక బాధపడుచు
లేవఁజాలక న న్నంప, దేవ! మీదు
ప్రశ్నముల కుత్తరము లీయ వచ్చినాఁడ."
సేవకుం డిట్లు వచియింప, భూవరుండు
పలికె, “ఎవరైన నేమి నా ప్రశ్నములకు
ఉత్తరము చెప్పవలయు, లేకున్న నతఁడు
ఉసురు గోల్పోవ సిద్ధమై యుండవలయు.”
అనుడు, నారాజుపలుకుల కనియె భటుఁడు:
"ఉత్తరము చెప్పుటకు పూర్వ మొక్కమాట
విన్న వించెద, నది విన్న పిదప, మీదు
చిత్తమునకు నచ్చినట్టులు చేయవచ్చు.
41
