ఈ పుట ఆమోదించబడ్డది
“సరియె మంచిది, మీరలు సలుపరాని
పనుల నియమించి మిము శ్రమపఱుప నేల ?
నేనె స్వయముగ దూడను నెమకికొందు
కాన పల్లకి మోయుఁ” డం చానతిచ్చె.
ఇట్లు వచియించి, పల్లకి నెక్కి కాఁపు
దారుణం బగు నాఁటిమధ్యాహ్న వేళ
చౌటిపఱ్ఱల, పొలముల, తోట దొడ్ల,
సందుగొందుల: ద్రిప్పించె నందల౦బు.
మండుటెండల మలమల మాడి మాడి
వేసటంబడి బోయలు గాసినొంది
“అయ్య ! మే మింక నొకయడు గైన నకట
మోప లే” మని మొఱవెట్ట, కాఁపువాఁడు.
“అందలము మోయుపని మీది, ఆవుదూడ
రోయుపని నాది కావున బోయలార !
అందలము మీరు మోయుఁడి, ఆవుదూడ
వెదకికొందును నే" నని బదులు పలికె.
29
