ఈ పుట ఆమోదించబడ్డది
పిసినివాఁడు - పసిఁడిమూట
ఊరివెలుపల, పాడుకోనేటిచెంత,
మనుజు లెవ్వరు మసలని మాఱుమూల,
గుట్టుచాటున లోతైన గోయి త్రవ్వి
పసిఁడి దాఁచెను పిసినారిముసలి యొకఁడు.
ప్రతిదినంబును వృద్ధుండు పాతు త్రవ్వి
మురిసిపడుచుండు బంగారుముద్ద జూచి;
పొదలమాటున నది యెల్ల పొంచి చూచి
దొంగ యొక్కఁడు సర్వంబు దోచికొనియె.
మఱుదినంబున ముసలివాఁ డరుగుదెంచి
గోయి త్రవ్వంగ బంగారు మాయ మయ్యె;
నెత్తి నోరును లబలబ మొ త్తికొనుచు
గొల్లు మని యేడ్చి యతఁడు గగ్గోలువెట్టె.
19