ఈ పుట ఆమోదించబడ్డది
చి న్న ప క్షి
పుడమిపై నేను పుట్టిన మొదటినాఁడు
ఉంటి హాయిగ నొకచిన్న యింటియందు;
విశ్వమంతయు నపుడు భావించియుంటి
గుండ్ర మగు చిన్న తెల్లనిగుల్ల యంచు.
కొన్నినాళ్లకు నొకచిన్నగూటి నుంటి
హాయిగా తల్లి ఱెక్కలయండఁ జేరి ;
విశ్వమంతయు నపుడు భావించి యుంటి
గడ్డిపోచలచేఁ గప్పఁబడ్డ దనుచు.
ఒక్క దినమున నాగూటినుండి వెడలి
అవల నే మున్నదో చూడ నరిగియుంటి;
విశ్వ మంతయు నపుడు భావించియుంటి
పసరుటాకులచేఁ గప్పఁబడిన దనుచు.
19
