ఈ పుట ఆమోదించబడ్డది
అందముగ దాని మనయింటియరుగుమీఁద
చూరుపట్టెలఁ గట్టెద తోరణములు;
చక్కగా దాని మనమేడ స్తంభమునకు
వ్రేలఁగట్టెద ధ్వజముగా గాలి కెగుర.
దానిఁ గొనితెచ్చి మనదొడ్డిలోన నున్న
తాడిచెట్టులనడుమ వ్రేలాడఁగట్టి
లీలమై దాని తూఁగుటుయ్యాలఁ జేసి
ఓలలాడుచు నుందు నే హొయలు మీఱ.
తల్లి. ఎట్టెటూ: ఏమి యంటివి? ఇట్టు రావె,
ఇన్ని వగలెట్లు నేర్చితి వింతలోనె ?
ఈవు పల్కినయట్టి యా యింద్రధనువు
పట్టుకొన నీకు శక్యమే చిట్టిపట్టి ?
పోవుకొలఁదిని నది దవ్వు పోవుచుండు,
చూచి చూచినయంతలో చోద్య మొప్ప
మాయమై పోవు, నది వట్టిమాయ సువ్వె;
చిట్టికూనరో! అది యెట్లు పట్టఁగలవు ?
18
