ఈ పుట ఆమోదించబడ్డది
కోర్కెలె ఱెక్కలై యలరెనేని
అహహ ! కోర్కెలె ఱెక్కలై యలరెనేని,
రివ్వు రివ్వున వెస నంతరిక్ష మెగసి
చుక్కగమిలోన నే నొక్క చుక్క నగుచు
మినుకుమిను కంచు మెఱయనే మింటిమీఁద?
అహహ ! కోర్కెలె ఱెక్కలై యలరెనేని,
రింగురింగున నొక పెట్ట నింగి కెగసి
ఇంద్రచాపంబు నడుచక్కి నెక్కి లీల
నిలిచి నృత్యంబు సేయనే నిండువేడ్క?
అహహ ! కోర్కెలె ఱెక్కలై యలరెనేని,
రివ్వురివ్వున వడి సంహారిక్ష మెగిసి
తళుకు తొలకరిమెఱపుల త్రాళ్ళు గట్టి
మబ్బుటుయ్యల నూఁగనే యుబ్బు మెఱయ ?
14
