పుట:మత్స్యపురాణము.pdf/70

మత్స్యపురాణము

67

⁠

బొలుపొంద నమృతసంపూర్ణకలశిడిగ్గి        హర్ష మందఁగ మందయాన యగుచుఁ బార్శ్వంబులను దేవభామలు కర్పూర        నీరాజనంబులు నెమ్మి నొసఁగఁ గమ్మపూఁదేనియల్ గ్రమ్మంగ నవపారి        జాతపుష్పప్రవర్షములు గురియ దరవిహసితంబు మోవిపైఁ దళుకులొత్తఁ దెలిగటాక్షాంచలోద్భూతదృష్టి నిగుడ హరిసమీపంబున కరుగ నమ్మహాత్ముఁ డాతలోదరి కరపద్మ మంది యచట.

⁠ 24

క.⁠

ఆలింగనమున నయ్యమృ తాలయ నాత్మీయహృదయమం దిడుకొనినన్ శ్రీలలన చూచి రోష ప్రాలంబితవదన యగుచుఁ బతి కి ట్లనియెన్.

⁠ 25

చ.⁠

సరసిజనేత్ర నీకుఁ బ్రియసఖ్య మొనర్చెనె యీవధూటి య న్యరమణి కాక్రమింపఁ గడిదై మదనాప్తగృహం బనంగ సు స్థిరమగుయుష్మదుజ్జ్వలవిశేషభుజాంతరమందు నిల్చె నే తరుణికినైన నాత్మవిభు దాసిన భామిని సైఁపవచ్చునే.

⁠ 26

గీ.⁠

అట్లు గావున భువనవిఖ్యాత యగుచుఁ జెలఁగుచుండెడు నట్టియీతులసిభామ భవదుదారాంఘ్రిభక్తి చేపడినదైన భూరుహాకారసహితయై పొలుచుఁగాక.

⁠ 27

వ.⁠

అని హరిప్రియ నుడివినవచనంబులకుఁ జిన్నఁబోయి కన్నీరు ఱెప్పలనిం చుచు సంతసం బుడిగి వేదనాయత్తచిత్తయై నిల్చియున్న యాతులసిలలనం గనుంగొని పరమదయాపరిపూర్ణుండై చక్రధరుండు సాంత్వనపూర్వకం బుగా నిట్లనియె.

⁠ 28