విచిత్రంబగు దుకూలంబునకు నాలంబనంబగు తదీయజఘనప్రదేశంబు
నందును యౌవనతోరణంబునకునై మదనభూపాలుఁ డొనర్చు హేమసోపా
నపరంపరలో యన విలసిల్లు వళిత్రయంబుచేత నభినుతంబగు తన్మధ్య
భాగంబునందును జంభవైరికుంభకుంభస్థలంబులచక్కదనంబు నధఃక
రించు తత్కుచకుంభంబులయందును, గంకణకేయూరరత్నముద్రికాము
ద్రితంబులై భిన్నంబులను మిసమిస మెఱుంగుల తెరంగునకు నెఱతనంబులు
గఱపుచు సువర్ణలతికలచందంబున విలసిల్లు తద్బాహుదండంబులయందును,
దరహసితవికసితంబై పూర్ణిమానిశాకరశోభాతిరస్కరణచాతురీధురీణం
బగు తన్ముఖారవిందంబునందును, బంచశరునకు సంచితంబులగు నిశితశ
రంబులో యనఁ బ్రసరించిన కటాక్షవీక్షణంబులకు నాలయంబులగు నయ
నసరోరుహంబులయందును, ననల్పకల్పమహీరుహప్రసవకల్పితంబులగు
మాల్యంబులసమ్మేళనంబున వినిర్గతంబగు సుమనోరజంబున శోణవర్ణం
బగు తదీయసీమంతంబునందును, సీమంతప్రసూనగుచ్ఛంబులను నిచ్ఛావి
హారప్రదేశంబులకు భ్రమరప్రవేశ మనందగు తత్కబరికాభారంబునందు
ను విచిత్రంబులగు మకరీపత్రంబులకు బాత్రంబులై సిద్ధంబులగు చెక్కు
టద్దంబులయందును నిమేషరహితంబగు దృష్టి పాదుకొల్పి యచ్చెరువందు
చు నిట్లనియె.
