పుట:మత్స్యపురాణము.pdf/52

మత్స్యపురాణము

49

⁠

నట్లు గావునఁ బుత్త్రదారాప్తవిత్త పశుగృహప్రాప్తమోహంబుఁ బరిహరించి చిత్త మాత్మాధినాథుపైఁ జేర్చి నరుఁడు చెడక హరిభక్తి కడకను నడపవలయు.

⁠ 70

గీ.⁠

హీనకులజుఁ డైన హింసకుం డైనను బాపసహితుఁ డైనఁ బతితుఁ డైన విష్ణుభక్తి గలిగి విమలుఁ డై వర్తింపఁ గలుగు నతని కమృతనిలయ మమర.

⁠ 71

క.⁠

నాలుగుయుగముల లోపల నాలాయము కలియుగమున వర్తించు నరుల్ శ్రీలలనావిభునామము లాలించి భవాబ్ధిఁ గడతు రమరులు పొగడన్.

⁠ 72

వ.⁠

మఱియు నప్పరమపురుషుని పాదసరోరుహములయందు నిశ్చలభక్తి గల పసన్నుండు {ప్రియతమంబులగు పుత్త్రదారాదులు సమసిపోయిన నైనను బహువిధరోగంబు లేతెంచినను బద్మపత్రంబు జలబిందువులచేత లిప్తంబు గాని చందంబునఁ దత్ప్రాప్తంబు లైన బాహ్యాభ్యంతరదుఃఖంబులఁ జెందక మాయావాక్యరచనావిశేషంబు లనియెడి విఘ్నంబుల సంభవం బైన సం శయంబులఁ జిక్కువడక సర్వంబును జన్మాంతరసంస్కారవినోదంబులుగా వితర్కించి శరీరంబు నిత్యంబు గాకుండుట యెఱింగి సమ్యజ్ఞానసమేతుం డై పరమతేజోమూర్తిం గలయు నని చెప్పి మఱియు ని ట్లనియె.

⁠ 73

సీ.⁠

మృద్వికారము లెల్ల మృద్విలిప్తంబు లై        నిబిడరూపంబుల నిలుచు నట్లు పార్థివదేహముల్ పార్థివాన్నములచే        తనుదృఢాంగస్ఫూర్తిఁ దనరుచుండు నట్టి యన్నంబు బ్రహ్మస్వరూపంబున        బ్రాణికోట్లకు నెల్లఁ బ్రాకటముగ నాధార మగుచుండు నవియు నన్నంబుల        యం దవశ్యంబుగ నాక్రమించు

⁠