పుట:భాస్కరరామాయణము.pdf/46

తే.⁠

అట్లు చింతించి యాసుర లజునితోడ, ధాత నీప్రసాదంబు తద్దయును బడసి యఖిలజనులకు నవిజయ్యుఁ డగుచు నిపుడు, రావణుం డనువాఁడు గర్వంబు మెఱసి.

⁠ 123

క.⁠

వాసవసురమునిగంధ, ర్వాసురయక్షావనీసురావలి నెపుడుం [1]గాసిల నలఁచుచు నుండన్, వేసరితిమి వాఁడు సేయువికృతుల కెదలన్.

⁠ 124

వ.⁠

వానిం బేర్కొన్న.

⁠ 125

క.⁠

కడ లెత్తి మ్రోయ వెఱచును, జడనిధు లినుఁ డెండ గాయ శంకిలు వానిం బొడఁగనునెడ వాయువు లుర, వడి వీవక యడఁగు గిరులు వడవడ వడఁకున్.

⁠ 126

క.⁠

నీవరకారణమున నా, రావణుచే ముజ్జగములు ప్రలయము వొందుం గావున వానిన్ వే ని, ర్జీవునిఁ జేయంగ నీవు చింతింపు మజా.

⁠ 127

వ.⁠

అనవుడుఁ గమలాసనుం డనిమిషులం గనుంగొని.

⁠ 128

క.⁠

సురయక్షాసురరజనీ, చరకిన్నరసిద్ధసాధ్యచారణవిద్యా ధరగంధర్వాదులచే, మరణము నొందండు వాఁడు మావరశక్తిన్.

⁠ 129

క.⁠

నరులవలనఁ జావకుండఁగ, వర మడుగఁగ మఱచె నన్ను వాఁ డవమతిమై ధరలో నటు గావున సం, గరమున నరుచేతఁ జచ్చు గర్వం బడఁగన్.

⁠ 130

మ.⁠

నరసింహాకృతిఁ బూని భీకరగతిన్ నారాయణుం దుద్దతో ద్దుర బాహాబలుఁ డై హిరణ్యకశివుం దున్మాడి సంప్రీతి నా దర మారన్ సురకోటిఁ బ్రోచెఁ దగ నాదైత్యాధినాథుండ యి ద్ధర జన్మించెను రావణుం డనఁ బులస్త్యబ్రహ్మకుం బుత్రుఁ డై.

⁠ 131

క.⁠

దురమున దశకంఠుని వెసఁ, బరిమార్చి సమస్తసురలఁ బాలించు ధరన్ నరుఁడయి విష్ణుఁడు మన మా, హరి శరణము సొత్త మనఁగ నంతటిలోనన్.

⁠ 132

లయగ్రాహి.⁠

వక్షమున శ్రీసతియు నక్షుల శశాంకజగదక్షులుఁ ద్రిలోకకరణక్షముఁడు నాభిం గుక్షి భువనంబులును బక్షిపతి కేతువున లక్షితకరంబుల విపక్షకులశిక్షా దక్ష మగుచక్రమును ఋక్షపసదృక్షసువకళక్ష మగుశంఖమును నీక్షకులకుం బ్ర త్యక్షములు గాఁగఁ గమలాక్షుఁ డరుదెంచెను సమక్షదివిజావలికి నీక్షణము లారన్.

⁠ 133

క.⁠

హరి కప్పుడు మ్రొక్కుచు సురు, చిరమతి సన్నుతులు సేసి చెప్పంగఁ దొడం గిరి గీర్వాణులు దశకం, ధరుచేతం దమకు నయిన దారుణబాధల్.

⁠ 134

సీ.⁠

అఖిలేశ రావణుం డనురాక్షసేశుండు, బ్రహ్మవరంబునఁ బ్రబలుఁ డగుచు నందనవనమున నలువొంద విహరించు, నప్సరస్సంఘంబు నడరి త్రుంచె మునుల విచారించెఁ గనలి గంధర్వులఁ, బరిమార్చి దనుజులఁ బరిభవించె [2]నమరుల నిర్జించె నసురుల భంజించె, యక్షులఁ దోలె గుహ్యకులఁ బఱపె వానిదాడి కోడి వచ్చితి మిచటికి, నిను శరణు సొరఁగ నీవు కరుణ

⁠

1. గాసిలి యులంపుచుండన్; గాసిగఁ గలంపుచుండన్.
2. ‘అహికోటి మర్దించె యాశుధానులు దక్క, నఖిలభూతంబుల నాక్రమించె' అని పా.