రాముఁడు పర్ణ శాలయందు సీతం గానక పలవించుట
సీ. |
చంద్రిక లేనినిశాగగనముమాడ్కి, శారిక లేనిపంజరముకరణి
నలినసంతతి లేనికొలనికైవడి రేయి, దీపిక లేనిమందిరముపగిది
నూనైకఫలరాజి లేనియారామంబు, గతి నాస లేనివక్త్రంబుభంగిఁ
జెలఁగుకోయిల లేనియెలమావిచాడ్పున, నినదీప్తి లేనిదుర్దినమునట్లు
చారుమౌర్వి లేనిచాపదండమునోజ, లలితతండ్రి లేనియొళగుఁబోలె
నవనితనయ లేనియావాస మంతయుఁ, బాడువాఱి యుండఁ బార్థివుండు.
| 254
|
క. |
ఉల్లము జ ల్లన దేహము, దిల్లవడఁగ దృతి దలంక దెప్పర మొందం
దల్లడముతోడ నుటజం, బెల్ల వెదకెఁ బ్రియను గాన కెంతయు భీతిన్.
| 255
|
క. |
పొలఁతుక మెలఁగెడుచోట్లం, గలయంగా వెదకి యెచటఁ గానక కడువి
హ్వలుఁ డగుచుఁ బర్ణశాలకు, లలిఁ గ్రమ్మఱ వచ్చి చూచి లక్ష్మణుతోడన్.
| 256
|
తే. |
తిరిగి వచ్చినచోటులు దెలివితోడఁ, గలయ వెదకియు నెచ్చటఁ గానలేక
పర్ణశాలలోపల లేదు బాల యంచుఁ, జెప్పి యధికాతురతభ్రాంతచిత్తుఁ డగుచు.
| 257
|
క. |
ఏమెయి నడుగులు లేనిది, యేమరుదో పర్ణశాల యిది గాదొకొ మే
రాముఁడఁ గానో రాముఁడు, రామం బెడఁబాసి క్షణము బ్రతుకఁగఁ గలఁడే.
| 258
|
శా. |
ఏమె ట్టీయది మెట్టు గా దిది వనం బే రాకుమారుండనో
సౌమిత్రీ విను నీవు రాముఁడవె వత్సా నిక్క మే రాముఁడన్
|
|