పుట:భాస్కరరామాయణము.pdf/214

⁠

భూమీశుండవు రామచంద్రుఁడవు హా భూమిజ చంద్రాననా యేమే యెక్కడ నున్నదాన విట రావే యుల్ల మల్లాడెడిన్.

⁠ 260

శా.⁠

ఈతిగ్మాంశుఁడు నేఁపఁ జొచ్చె నను రే యేనాఁట నర్కాస్పదం బీతం డిందుఁడె యౌనొ లక్ష్మణుఁడ నీ కే మౌదు నేఁ జెప్పుమా నాతోఁబుట్టువు గావె నాథ మఱి యే నాథుండ నిక్కంబుగా సీతానాథుఁడ వెందుఁ బోయితివె యో సీతామనోవల్లభా.

⁠ 261

చ.⁠

తపనుఁడు వేఁపఁ జొచ్చె ననుఁ దమ్ముఁడ వృక్షముక్రిందఁ బెట్టు నాఁ దపనుఁడు రేయి లేఁడు వసుధావర చంద్రుఁడు గాని చంద్రునిన్ నృపసుత యెఱింగితివి నీవు మృగాంకము చూడ నున్కి హా చపలమృగాక్షి చంద్రముఖి జానకి యెక్కడ నున్నదానవే.

⁠ 262

వ.⁠

అని పలికి మఱియు విభుం డి ట్లనియె.

⁠ 263

చ.⁠

పొలఁతుక నొక్కఁ డెత్తికొని పోయెనొ యొక్కెడ బ్రుంగెనో భయా నలమునఁ గ్రాఁగెనో తరుణి నాశము నొందెనొ జీవ మూడెనో యలరులు గోయఁబోయెనొ ఫలావళి కేఁగెనొ యించువాంఛమైఁ గొలఁకుల కేఁగెనో నదికిఁ గోరికఁ బోయెనొ యెందుఁ బోయెనో.

⁠ 264