| క. |
నిలువక తరుగుల్మాంతర, ములలో వడిఁ బాఱునపుడు మొగుళులు వాఱం
దలతల వెలుఁగుచు నెడనెడఁ, బలుమఱుఁ జందురుఁడుఁ దోఁచుపగిదిం దోఁచున్.
| 54
|
| వ. |
ఇట్లు దోచిన విస్మితుం డగుచు.
| 55
|
| మ. |
కదియం జొప్పడ కంతకంత కట యాకాంతారమధ్యంబునం
దది యెందుం గమియించినం బిదప డయ్యంబాఱుచుం బట్టలే
కిది మాయామృగ మచ్చుగా ననుచు నిం కే దీనిఁ బో నీక చం
పెద దూరం బెలయించె నంచు నలుకం బృథ్వీశుఁ డేతేరఁగన్.
| 56
|
| క. |
మాయాహరిణము మిగులుదు, వాయువు దెగఁబఱతు ధరణివలయము గడతుం
దోయధి దాఁటుదు ననుక్రియఁ, గాయద్యుతు లడర నొక్కగతిఁ దెగి నిగిడెన్.
| 57
|
శ్రీరాముఁడు మారీచుని రూపుమాపుట
| క. |
నిగిడి కడు నలసి యట యొక, మృగయూథముఁ జొరఁగఁ బోవుమెయిఁ దోడనె వెం
దగిలి యగపాటు గని యొఱ, పగువెరవును నిచ్చి రాముఁ డయ్యేణంబున్.
| 58
|
| శా. |
చంచత్కాంచనకంకపత్రము ధనుర్జ్యావల్లి సంధించి ర
త్నాంచత్పుంఖముఁ గర్ణచుంబితముగా నాకృష్టిఁ గావించి క్ర
మ్మించుంగీలలు గ్రమ్మ నేయ నదియున్ మే నుచ్చి హా లక్ష్మణా
యంచుం గూలె నిజాకృతిం బుడమిపై నయ్యస్త్రపాతంబునన్.
| 59
|
| వ. |
అట్లు గూలి గతాసుఁ డగునమ్మారీచుఘోరాకారంబు సూచి విస్మితుం డగుచు
రఘువరుం డంతర్గతంబున.
| 60
|
| ఉ. |
తమ్ముఁడు సెప్పినట్ల బలుదానవుఁ డయ్యెఁ గురంగ మక్కటా
యిమ్మొఱ కమ్మహాత్ముఁడు మహీజయు నెంతఁ దలంకిరో కదే
యిమ్మెయిఁ గీడు సేయువిధి కెవ్వ రసాధ్యులు నేఁడు వారలం
గ్రమ్మఱఁ జూడఁ గందునొకొ కాననొకో ధృతి దూలె నెట్లొకో.
| 61
|
| క. |
నను మాయామృగ మై వడి, దనుజుం డిట దెచ్చె నచటఁ దమ్ముని నెమ్మై
ఘనదైత్యులు పొదివిరొకో, జనకజ యే మయ్యెనొ మది శంకించెఁ గడున్.
| 62
|
| తే. |
అనుచు వేగంబ రఘురాముఁ డచట మాయ, మెగము వధియించి కైకొని వగలు వొదువు
|
|
