|
డావసుధేశుతమ్ముఁ డగునాతఁడు నెట్టిఁడు నామ మేమి రూ
పేవిధ మానితంబినికి నెయ్యది నా కెఱిఁగింపు మాఖ్యయున్.
| 272
|
శూర్పణఖ రావణునకు సీతారామలక్ష్మణులవృత్తాంతముఁ జెప్పుట
వ. |
అనిన నది యి ట్లను నతండు దశరథుం డనునరేంద్రునందనుండు దమతండ్రి
పనుపునం దపోవేషంబు గైకొని శస్త్రాస్త్రంబులు ధరియించి దండకారణ్యం
బున కేతెంచి తదాశ్రమవాసు లైనమహామునులసన్నిధి వారికిం బ్రియంబు
గా రాక్షసవధం బొనర్చుటకుఁ బ్రతిన పూని పంచవటియందు వర్తించుచుఁ
గృతప్రతిజ్ఞుం డగుట జనస్థానంబునం గలుగుసమస్తపౌలస్త్యులం బరిమార్చె
నప్పు డసహాయుం డై విక్రమంబున విజృంభించిన యవ్వీరవరుకోదండపాండిత్య
విశేషం బెట్టి దనిన.
| 273
|
క. |
వడి దొనఁ దిగుచుట దొడుగుట, వెడలం దెగగొనుట శరము విడుచుట గానం
బడక విలు గుడుసుపడుటయు, నుడుగక రక్కసులు పడుటయును గానఁబడున్.
| 274
|
ము. |
పొరి నుద్వేలకరాళకీల లడరం బుంఖానుపుంఖంబు లై
శరజాలంబులు భూనభోంతరము నాచ్ఛాదించుచుఁ బెల్లుపైఁ
గురియం గూలె నిశాచరావలి రఘుక్షోణీంద్రుచే నింద్రుచేఁ
గరకావృష్టిపరంపరం బడుపతంగశ్రేణిచందంబునన్.
| 275
|
ఆ. |
ఆఁడుదాని జంప నర్హంబు గా దని, నను వధింప కునికి నల్లఁ జేరి
నీకు నిత్తెఱంగు నిక్క మే నెఱిఁగింప, దిక్కు గల్గె నింకఁ బెక్కు లేల.
| 276
|
తరల. |
అతనితమ్ముఁడు లక్ష్మణుం డనునాతఁడుం బరికింపఁగా
నతనియట్టిఁడ సాహసంబున నంచితాకృతి నగ్గుణా
న్వితుఁడు దక్షిణబాహుసన్నిభుఁ డెందు నన్నకు సీత య
య్యతివపే రిల నేతలోదరులందుఁ గల్గరు తాదృశల్.
| 277
|