వుట, నిమిత్తము లేక నడచుట, లేచుట, శంక మొదలైనవి, విషాదము, మదము, రోషము ఈయనుభావములు గలుగును.
మూర్ఛాలక్షణం. 9-వది
| | తాపోత్కర్షాత్తదప్రాప్త్యా మూర్ఛాజ్ఞానక్షయో ముహుః. | 316 |
| | ఇదమిష్టమనిష్టం తదితి వేత్తి న కించన, | 317 |
| | క్రమేణ మందావుచ్ఛ్వాసనిశ్వాసౌ నష్టచేష్టతా, | 318 |
నాయకుఁడు రానందున అధికతాపముచేత జ్ఞానము క్షయించుట మూర్ఛ యనఁబడును. ఇందు ఇష్టమును అనిష్టమును దెలియకుండుట, పిలిచినను పలుకకుండుట, చూపు లేకుండుట, చెవి వినకుండుట, క్రమముగా నుచ్ఛ్వాసనిశ్వాసములు మందము లగుట, చేష్టలు లేక యుండుట, అంటినఁ దెలియకుండుట ఇవి మొదలైన యనుభావములు గలుగును.
మృతిలక్షణం 10-వది
| | స్మరోత్థా మరణేచ్ఛా చేన్మృతిరిత్యభిధీయతే, | 319 |
| | కలకంఠకలాలాపశ్రుతిర్మందానిలాశ్రయః, | 320 |
| | ఉద్బంధనాదిసన్నాహస్సాస్రదృష్ట్యాదయస్త్విహ, | |
మన్మథవ్యాపారముచేఁ గలుగు మరణేచ్ఛ మృతి యనఁబడును. ఇందు విలాసపుచిలుకతోడియాట మొదలయినవానిని సఖులకు ఒప్పగించుట, కోవెలల ముద్దుపలుకులను వినుట, మందమారుతమును ఆశ్రయించుట, వెన్నెలలోనికిఁ బోవుట, మామిడిపూఁగొత్తులను జూచుట, ఉరి మొదలైనవానిని సిద్ధపఱుచుకొనుట, కన్నీటితోడిచూపు మొదలయినవి గలుగును.
