పుట:బేతాళపంచవింశతి.pdf/33

క.⁠

నీచేసినయపకార్యము నాచే మాతండ్రి వినఁడు నమ్ముము భీతిం బాసి గృహాంతరమున సుఖి వై చరించునది సుమ్ము యనురాగమునన్.

⁠ 132

గీ.⁠

అతిరహస్యమైన యట్టి తద్గృహమున నతని నునిచి యభిమతార్థసమితిఁ దెచ్చిపెట్టి వానిఁ దృప్తునిఁ జేయుచు నొనర నతని బొందియుండె నంత.

⁠ 133

వ.⁠

ఎట్టకేనియుఁ గొన్నిదినంబు లుండి యతండు జూదంబునందుం దద్దయు లోలుండు గావున నర్థంబు గావలసి యొక్కనాఁటిరాత్రి భార్యం జంపి తొడవు లన్నియుం గొని యతిసాహసుండై యెట యేనియుం బోయెఁ గావున.

⁠ 134

క.⁠

ఇటువంటి పాపచరితులఁ గుటిలాత్ములఁ బొందఁదగదు క్రూరుల నెపుడున్ పటుబుద్ధులైనవారిని గుటిలుల భామ లిటు పొందఁ గూడునె యెందున్.

⁠ 135

క.⁠

అనవుడు శారిక పలుకులు విని రాజకుమారువరుఁడు విస్మితమతియై తనచిలుకఁ జూచి నవ్వుచు వినుతకళాభిజ్ఞ చెప్పవే నీ వనినన్.

⁠ 136