పుట:ప్రభావతీప్రద్యుమ్నము (పింగళి సూరన).pdf/108

క.⁠

అని యేఁ దనుఁ గడుఁ దూఱితి నని మత్ప్రియకడకు నేఁగి హంసి పలుకుమీ యనుచు నపు డంతకంతకుఁ దనరు మనోజార్తిఁ గరముఁ దప్తుం డగుచున్.

⁠ 115

తే.⁠

ఏలరా మన్మథుఁడ నన్ను నింత యేచు టేమి మేలు రానున్నవి యిట్టిపాట్లు నీకు నిఁకఁ బ్రభావతి యనునెలఁతపై వి రాళి కారణముగ వేగిరంబు వలదు.

⁠ 116

క.⁠

నా విని యేను రతిప్రియు భానము న ట్లపహరించుపాటిది యైన న్నీ వనిన వనిత యెక్కుడె లావణ్యాదులను రతివిలాసిని కనుడున్.

⁠ 117

క.⁠

రతిరూప మెక్కడ ప్రభా వతిరూ పెక్కడ విమర్శవంతులు దెలియన్ రతిసాగుకంటెను బ్రభా వతిపస ముమ్మడి నలుమడి వాసి మరాళి.

⁠ 118

వ.⁠

ఆ ప్రభావతీరూపంబును మదీయసృష్టియం దతిదుర్లభం బది పార్వతీవరప్రసాదజనిత యై పొలుపొందు నని పలికి నిజాం గనారోషంబుఁ దీర్చుటకు సత్వరంబుగాఁ బనిచిన నే నతని కాలవిలంబనాసహిష్ణుత్వంబు దెలిసినదాననై యప్పు డేమియు నడుగ వెఱచి యరిగితి మఱియుఁ గ్రమక్రమంబున నట్టి ప్రభావతివి నీవ యని నిశ్చయించితిం గావున నీవల్లభుండు భవదాయల్లకభరంబునం బరితప్తుం డగుచు నిన్ను వరియిం చుటకు నీకంటెను వేగిరించు నని తోఁచుచున్నయది రతీ

⁠