పుట:ప్రభావతీప్రద్యుమ్నము (పింగళి సూరన).pdf/109

⁠

విలాసంబును దదంతరాయంబు సేయం జాలదు నీవు సకల సంశయంబులు నుడిగి సుఖం బుండు మనిన విని యద్దను జేంద్రనందన తనడెందంబున సందియంబు నొందుచు రాగ వల్లరిమొగంబు చూచుటయు నది తదభిప్రాయం బెఱింగి హంసి కి ట్లనియె.

⁠ 119

తే.⁠

ఏమిటికి హితవుగఁ జెప్పి యెందు నదికి తచ్చెరువు నీదు మాట లోయంచగరిత కాముఁడు ప్రభావతీకాంక్షఁ గలఁగెనేని మనచెలియ కిష్టుఁడు విరాళి గొనుట యెట్లు?

⁠ 120

మ.⁠

అనిన న్నవ్వి మరాళి యి ట్లనియెఁ జెల్వా కాముఁ డన్వాని మీ రును విన్నారు గదమ్మ యాసకలసద్రూపోపమానత్వశో భనకీర్తిప్రథితుండు తొల్లిటిసురూపశ్రీఁ గడు న్మించుచె న్నొనరం బుట్టినవాఁడు రుక్మిణికిఁ బ్రద్యుమ్నుం డనం బుత్త్రుఁడై.

⁠ 121

క.⁠

అని నిజశంకల కన్నిటి కినిఁ బరిహారములు చెప్పి గెంటక యుండన్ దనయాస నిలుప దితిసుత తనయ రమణుఁ గలయ మిగులఁ దమకించుమదిన్.

⁠ 122

వ.⁠

హంసిం జూచి.

⁠ 123

సీ.⁠

నీ చెప్పినట్ల యిన్నియునైన మొదలఁ ద             త్పుర మెంత దవ్వొ నీపోవు టెపుడు పోయి వేళ యెఱింగి పొసఁగ నవ్విభున కీ             దృశ మైననాకోర్కిఁ దెలుపు టెపుడు తెలిపిన నేవిఘ్నములకు లోఁబడక నా             పై నతఁ డనుకంపఁ బూను టెపుడు

⁠