పుట:ప్రభావతీప్రద్యుమ్నము (పింగళి సూరన).pdf/107

వ.⁠

దీనికి నిమిత్తంబును దైవనియమంబు గల దది విను మెఱిం గించెద.

⁠ 110

తే.⁠

బ్రహ్మకును సరస్వతికిని బ్రణయకలహ మయ్యె మును పొక్కనాఁ డపు డబ్జభవుఁడు తద్విరహపీడ సైరింపఁ దరము గాక వాణిఁ దేర్పఁ దదాప్తు లెవ్వారొ యనుచు.

⁠ 111

క.⁠

ఆరసి ననుఁ బిలిపించెను శారదకడ నప్పు డేను సరసక్రీడా చారసచివత్వమున సం చారముఁ గావించు చునికిఁ జంద్రనిభాస్యా.

⁠ 112

వ.⁠

అట్లు పిలిపించి నన్నుం దనపొలఁతిపొలయలుకం దీర్చుటకుఁ బనుపుచుండి యద్దేవి నుద్దేశించి.

⁠ 113

సీ.⁠

నీసుప్రసాదసన్నిధిమహత్త్వమ సుమీ             నిగమరాశి ముఖస్థ మగుట నాకు నీవిలాసమచర్చికావిశేషము సుమీ             సంగీతసాహిత్యసౌరభంబు నీకటాక్షశ్రీవిపాకభేదమ సుమీ             వేణువీణాదులరాణ లెల్ల నీ వనుగ్రహలీలఁ గావించుటన సుమీ             యఖిలలోకవ్యవహారసిద్ధి

⁠

తే.⁠

కావున నొకింత యోవాణి నీ వలిగిన నొకవినోదంబు నొదవ దే నోర్చు టెట్లు విరహ మేకాంతదాస్యకింకరునియందుఁ గరుణ లే కింతతడ వలుగంగఁ దగునె.

⁠ 114