పుట:ప్రబోధచంద్రోదయము.pdf/219

⁠

సమయసంసారంబు చెడుననుట చీకటిచేతఁ జీకటి చెడు ననుటగాదె స్వభావవిలీనంబులుఁ దమోమయంబులు నైనజగంబు లెవ్వని తేజంబు వలనం బ్రకాశించు నట్టి పరమపురుషు నెఱింగిన ధన్యుండు మృత్యువును గెలుచు నిదియె తక్క భవభంధనధిక్కారియగు మార్గంబు వేఱొక్కటి లే దనిన జీవపురుషుం డుపనిషత్తుం జూచి యజ్ఞవిద్య మఱియు నేమనియెం జెప్పుమనిన.

⁠ 83

తరళ.⁠

వినుము తన్మఖవిద్య యిట్లను వింతగా ననుఁ జూచి యో వనిత నీదగునట్టి దుస్సహవాసవాసన నాహితుల్ మనసులోపలఁ గర్మకాండము మానఁ జూచెద రింతటన్ జనుము నీ కనువైనచోటికిఁ జాలు నీ కెద మ్రొక్కెదన్.

⁠ 84

క.⁠

అంటను నచట వెడలి నేఁ గంటిన్ మీమాంసఁ గర్మకాండ సహచరిన్ వెంట గుదియైన కర్మపుఁ బంటల వేర్వేఱ నేరుపఱిచినదానిన్.

⁠ 85

ఆ.⁠

చూచి యజ్ఞవిద్యజోటి వేఁడినయట్లు వేఁడ నదియు నన్ను వివరముగను యజ్ఞవిద్య యడిగినట్ల న న్నడిగిన నంటి దానితోడ నన్నయట్లు.

⁠ 86

వ.⁠

అపుడు.

⁠ 87

సీ.⁠

అప్పుడు మీమాంస యాత్మశిష్యులవద                           నాంభోజములు గదియంగఁ జూచి యీకాంతమాటలు లోకోత్తరఫలంబు                           లనుభవింపఁగఁ జేయు నాత్మయట్లు గానఁ గర్మోపయోగమున నిచ్చటనుండ                           నిం డన నొకశిష్యుఁ డిచ్చగించె

⁠